De Həzrət Zeynəb(s) viladəti sorəqardışi mınosibəti təbrik.

Imruj 3 şanbə milady 2018 minnə sori yanvari 23 bərobər de hicri ğəməri 1439 nə sori cəmadiuləvvələ manqi 5 nə ruj Həzrət Zeynəbe Kobra(s) viladəti sorəqardışe.

Həzrət Zeynəb(s) həmmə ozodəti tələb əkə iyən de zılm mubarizə əkə jenon və merdonro həmmə zəmonəonədə olqoy.

Həzrət ıştə əzizə bıvə dınyo şiəyon 3 minnə imom Həzrət imom Huseyn(ə) kənoədə bə xətoə ro şəkəsonədə  mubarizə bardə be kəsoni ki islamiku mudafiyə karde nomo Kərbəlo yolə faciəşon icod karde.

Həzrət Zeynəb(s) qıləy xanım bı ki bə zinə ımruj və maştə anqıle çunki insoniyə kəromət Xıdo roədə bandəti karde ədoləti tələb karde iyən şərafət və ozodəti erjoni hestin ki bə qıləy məxsusə devrə ya məxsusə ictimaiyyət aid ni.

Həzrət Zeynəb Kobra(s) vicod ha ruj islami əzizə rəsul(s) çokə əxlağ və aqahətiku tojə con qətedə be və ıştə əzizə dədə dınyo şiəyon 1 minnə imom Həzrət Əli(ə) elm və bəlağətiku  bəhrəş barde və həzrəti roh çəy əzizə inə Həzrət Fatimə Zəhra(s) məhəbbətinə domənədə bə oroməti rəsə.

Həzrət Zeynəb(s) Həzrət imom Huseyn(ə) şəhodəti bəpeştə dınyo şiəyon 4 minnə imom Həzrət imom Səccad(ə) coniku mudafiyə kardeyu ıştənış vəzifədo zınə  boçimi xoto həmməysə  saxtə şərayetəndə cinayətkaron və sitəmqəron vədə mande və həzrəti kənoədə dıştə zumandə sıxanon islamı deşmenonış rısvo karde.

İron İslam Respublika telerədyo tərəfo islami ğəhrəmanə xanım Həzrət Zeynəbe Kobra(s) viladəti sorəqardışi bə həmmə mıslmonon dınyoədə ozodəti tələbkardəkəson məxsusən tolışə həmzıvonon təbrik votdəmon.