Davos iğtisodiyə iclosədə Benyamin Netanyahu xəyol iyən beməxə iddiyaon.

Siyonist rejimi i minə vəzir iddiyaş kardə ki İroni ətomiyə təvafuğ hifz karde muhimə mıvzo ni ijən bəbe ətomiyə silahon soxtey barədə İroni vəy ğətə bıbu.

Netanyahu həminə iclosi kənoədə iddiyaş kardə ki İron və Avropa miyono ətomiyə təvafuğ qıləy bədə təvafuğe ki bəbe əvəz iyən isloh bıbu.

Siyonist rejim ki Amerkə tojə dıvləti çı İroni ətomiyə təvafuğiku xaric karde xoto təhrik kardedə ijən iddiya kardə ki tarixədə jıqonə bədə təvafuğon iyən mığoviləon çı imzo əkəyon pəşmonti bois bıə.

Davos nomo bıə iclosi kənoədə Benyamin Netanyahu tələbış kardə ki İroni hərbiyə mərkəzon manitorinq və kontrol bıbun boçi ki ım təvafuğ çı İroni hərbi bazaon diyə karde icozəon şomil bedə ni.

Jıqo xiyol iyən puçə iddiyaon qıləy şərayetdə bəyon bıdə ki siyonist rejim ıştən miyonə şərğədə ətomiyə bombaon yeqanə xıvand bıə rejime və co tərəf i bıə milləton təşkilat iyən ətom enerji beynəl xalğiyə təşkilat vey kərə bə ətomiyə təvafuği əməl karde xoto çı İroni fəaliyətonış təsdiğ kardə.