Kasmik bumiyə texnoloqiya sahədə İroni muhimmə vırə.

İroni kasmik təşkilati rəis votışe: bə beynəl xalğiyə raporton əsos kasmik sahədə çı komilə bumiyə texnoloqiyaon xıvand beyro vey kamə aliyə kişvəron cəmədəy.

Bə İrib raporti əsos İroni kasmik təşkilati rəis Morteza Bərari bə İroni muxtəlifə sahəon əcumlə universiti mudafiə sənaye və tojə elmonədə İroni cıvonon və tojə peresə alimon iyən elitaon huzur işorəş kardə və votışe: omə soronədə ijən de diğğət bə İroni zərfiyət əmə beynəl xalğ sahədə iyən kasmik texnoloqiya baxşədə qıləy rol ifo əkə kişvəronimon.

Bərari əlovəş kardə: həmmə sanksiya və təhdidon sayədə əmmo İron mıtəxəssison tərbiyə karde, peyki antiyaon plani kəşe iyən soxte, əvoni ğande və co bumiyə zərfiyəton soxteyro kamilən bə aliyə mərhələon rəse.

İroni kasmik təşkilati rəis bə ım sahədə iğtisodiyə mıvzoon əhəmmiyət ijən bə kasmik aid elmon və texnoloqiyaonku çoknə bə iğtisod komək karde həm işorəş kardə.

Çı İroni kasmik milliyə mərkəzi sədr Mənuçehr Mənteği həm çımiku bə nav elanış karde: bə orbit peyki vığande təchizaton soxteyro İron dınyoədə 11 qılə kişvəron cəmədəy.