Texniki elmon iyən mohəndesi sahədə İroni veyə inkişof.

İslam dınyo elmon istinad əkə mərkəz(İSC)-i mıvəğğətə rəis votışe: İroni islamiyə inğilabiku 39 sor bəpeştə texniki elmon və mohəndesi sahədə iyən İroni elmiyə inkişofi barəde çı dınyo məşhurə elmi moəsisəon İroni elmiyə inkişofi vey çok iyən de sorəəti bə i vırə hisob kardən.

Bə İrib raporti əsos İslam dınyo elmon istinad əkə mərkəzi (İSC) mıvəğğətə rəis Muhəmməd Cəvad Dehğani bə İroni islamiyə inğilabi bəpeştə İronədə elmi istihsoli miğdor işorəş kardə ijən əlovəş ka: İronədə tojə elmon sahədə əcumlə tojə enerji, Biyoloqiya, Kasmik, Nano iyən İronıjə təbib baxşonədə vey sərmoyə noə bıə ki dınyoədə xusosən elmiyə stratejik hissəonədə çı dınyo vey aliyə kişvəron cəmədə ğərorış doə.

İslam dınyo elmon istinad əkə mərkəzi (İSC) mıvəğğətə rəis təsdiğış kardə: bə Neyçer İndeks moəsisə tojə raporti əsos dınyo kişvəron mığoisədə İron dəvardə 10 sori mıddətdə elmiyə inkişofi sahədə har sor 22 faiz bə na hərəkətış kardə ki texnik və mohəndesi baxşədə çı dınyo səthədə i minə vırəş bə dast vardə.

Dehğani votışe: İroni bəpeştə Çin və Hindonestan de 14 faizi 2-n vırə kəsb kardən iyən Braziliya, Cənubi Koriya, Avstraliyə, İspaniyə, İtaliya, Russiyə və Kanada de tərtibi co vırəon kəsb kardən.