Deşmənon İroni vədə mığovimət karde əzı nin.

İroni Sepah təşkilati sıxənəvot votışe: deşmənon əsəboniyət ğudrətiku ni bəlkəm çəvon zəifəti iyən İroni islamiyə nizomi muvəffəğə ideoloqiyaon məntəğə və dınyoədə hevoj beykue.

Bə İsna raporti əsos qeneral mayor Rəmezan Şərif ımruj İroni İlam ostani Dehloranədə bə İroni şəhidon xoni bərəkəti sayədə islamiyə İroni çandə bə muvəffəğiyəton rəse işorəş kardə iyən votışe: İronıjə rəzməndə və əsqəron ijən İronıjə hərbi zumandə mıstəşaron bə islamiyə kişvəron komək kardero hozzoin və ısət Yəmən və Suriyədə deşməni bə Dumo barədə bois bıən.

İroni sepah təşkilati sıxənəvot votışe: ijən bə dəvardə 40 sori mıddətdə bə İroni zidd deşmənon planon işorəş kardə və votışe: İroni milləti elmi, hərbi və əğidətiyə zumandəti sayədə deşmən ısət İroni ğudrəti vədə tov varde əzı ni.

Qeneral mayor Rəmezan Şərif təsdiğış kardə: deşmən çı İroni ğudrət və ideoloqiyaon çok dərkış kardə boçi ki inğilabi ideoloqiya, fik və məntığ ısət zəminədə islam dini boydıği rostış kardə.