Macarıstan, Ukraniya, Fransə və İspaniya bəzi şəhronədə bə Nəvuzə idi aid mərasimon.

Nəvuzə idi məxsusə mərasimon de Macarıstanədə jimon kardə İronıjon huzuri ım kişvəri paytəxt Budapestədə bıə Aranitiz nomo bıə mədəniyə mərkəzədə bino be.

Bə İrna raporti əsos Macarestanədə İroni səfir Ğolaməli Rəcəbi Yəzdi ım mərasimədə bə Tehron Budapeşti miyono əloğəon inkişof nuyə sorədə həm təsdiğış kardə.

İjən de İroni mədəniyə mışovir və Asiya mədəniyə muəsisə zəhməton İspaniyadə həm jimon kardə İronıjon bo tojə sori xoto Nəvuzə ğədimiyə idi mərasimon çı İspaniya Barselona şəhrədə dəvonişone.

Im mərasimədə İroni himni bəpeştə İroni səfarətxanə mədəniyə mərkəzi yol Əlireza Esmaili ımsornə sori nuyə sor və Rəcəb bərəkətin manqi bə i co dəme təbrik karde bəpeştə İroni tarixədə bə Nəvuzə idi əhəmiyət bənə vəhdət, bə ailəon ehtırom karde iyən çokə insoniyə əxlağon simvol zınəş be.

Parisi məxsusə mərasimədə həm İroni səfir Əbolğasem Delfi dınyoədə çı həmə İronıjon səbarzəti, muvəffəğiyət iyən bə inkişofi tərəf hərəkət karde tələbış kardə.

Kiyefi milliyə henə mozeyədə həm İron 7 sin sorfə oğandə bıə.

Im mərasimədə həm Okraniyadə jimon kardə İronıjə şəhrvandon iştirok kardən iyən çandə bə İroni mədəniyət və adəton aşiğon və dılpiyə kəson həm huzurışon be.

Okraniyadə İroni səfir Muhəmməd Beheşti Monfəred bə Nəvusə idi ğədimi rəsm və adəton işorəş kardə iyən ım idiku votışe.

Im surfə ki 7 qılə s ya sin hərfonku bino bıə çiyonku iborəte 5 ruj çı kiyefi mozeyədə nımoyeş doe bıdə.

Nəvuzə id ki de İronıjə rişə 12 qılə kişvəronədə təsdiğ bıə i bıə milləton təşkilatdə bənə sulh mədəniyəti simvol ğeyd be əv həm Marti 21ədə.