Aşğabadədə İron və Tırkmənıstoni prezidenton miyono muzakirəon bino bıə.

Imruj iyən İroni prezidenti bə Tırkmənıston rəsmi səfəri bino bey həmzəman ım kişvəri prezident Ğurbanğuli Berdi Məmmədev bə Həsən Ruhani və beşe.

Rəsmi mərasimon iyən həmro bıə heyəton elan kardə bəpeştə 2 qılə kişvəri prezidenton miyono muzakirəon ali səviyyədə bərpo bey holədəy.

Jıqo ğeyd bıə ki ım səfəri kənoədə çandə muhimmə muğaviləon ticarət və iğtisod sahədə imzo bəbe.

İron və Tırkmənıstoni ğeyri dıvlətiyə şirkəton iyən taciron miyono məxsusə iclos həm bo mıştərəkə iğtisodi əloğəon hevuj kardero çoşnə bəpeştə bino bəbe.

İroni prezident de İlham Əliyevi rəsmi dəvəti bərobər maştə bə Azərbaycan Respublika həm səfər bekarde.