De dınyo şiəyon 1 minnə imomi vilodəti sorqardımoni mınosibəti təbrik.

Dınyo şiəyon i minnə İmom Həzrəte İmom Əli(ə)-i moəku bıə rujədə İroni həmmə şəhron iyən məntəğonədə şoə mərasimon bərpoe.

Imruj şanbə hicri ğəməri 1439-ə sori rəcəbə manqi 13, miladi 2018 minnə sori Marti 31 iyən dınyo şiəyon 1-nə imom Həzrət Əmri Əlmuminin(ə) milad ruji sorqardımone.

Həzrət Əli(ə) rəcəbə manqi 13 qıləy holədə ki Xıdo kə Kəbə divo çəy əzizə inə Fatimə Binte Əsəde vədə oj be iyən əv bə ım mığəddəsə kə daxil be bə dınyo omedə.

Həzrət Əli(ə) nocıvonəti faxtiku İslami əzizə Peyğəmbər Həzrəte Muhəmməde Mustəfa(s) tono yol be.

Vilayət və İmoməti osmoni i minnə astovo, əvəlnə şəxsiyyət be ki bə İslam imonış vardə və Xıdo Rəsul(s) tərəfo islami dini təbliğ kardə ijən ım əzizə dini təbliğ kardero həmmə mərhəlonədə ə Həzrəti yar iyən çı Rəsul(s) vey əsli dust iyən koməkəkə be.

İron İslam Respublika təğvimədə dınyo şiəyon 1 minnə İmomi viladəti sorqardımon, dədə(pıə) ruj nom noə bəy.

De Nəvuzə İdi iyən dınyo şiəyon 1-nə İmomi moəku bıə əyyami həmzəman zinə şəviku İroni həmməy şəhron və dionədə bıə məçidon, huseyniyəon iyən məzhəbi vırəonədə məxsus mərasimon əcumlə bə dədəon osəğande iyən bəvon ehtırom karde bino bıə ijən ımruj həm dəvomış heste.

İron İslam Respublika Telerədyo tərəfo dınyo şiəyon 1-nə imom Həzrət Əmri Əlmuminin(ə) milad ruji sorqardımoni bə həmmə mısılmonon, dınyo ozodtələbon iyən həmzıvonə tolışon xuxusi bə bə həmmə tolışə zəhmətəkəşə pıəon təbrik ərz kardıdəmon.