Şəmxani: Amerkə və Avropa çı İroni sıə xəttonku diyəro bıbun.

İroni milli əmniyyət aliyə şura sərkatib votışe: əqə Avropa de stratejik səhvəon Amerkə vədə təslim bıbu ijən çı Trampi vindemoni cəlb kardeyro bə İroni sıə xətton varid bıbun 100 faiz əvon zərəl bəkan.

Əli Şəmxani bə Fransə və Almaniya ali rəsmion səfər bə Amerkə iyən ətomiyə təvafuğədə mandeyro Trampi rozi karde be məno cəhdon işorə və təkidış kardə: ətomiyə təvafuğ qıləy vahid muğaviləy ijən çəy isloh və ya xot bəzi baxşon deştə deli məyl icra karde əy velo karde mənodəy.

Şəmxani əlovəş kardə: İronədə ətomiyə ğudrət qıləy bumi elme ki bo inkişofiro zərfiyət və meydon oje.

İroni milli əmniyyət aliyə şura sərkatib təsdiğış kardə: terrorizm mubarizə ijən məntəğədə stabil şərayeti icud kardeyro İron vey cəhdış kardə çum çiku çı Amerkə, siyonist rejim və çəvon həmpeymonon bestabil əkə rəftori vədə sukut karde əze ni.

Şəmxani votışe: siyonist rejim həm bəbe oğo bıbu kiyolə şəxəti karde əsr bə oxo rəsə ijən bəbe ıştə jıqonə rəftori xəsorət və zərəli bıindo.

Əli Şəmxani Yəmənədə milləti ğətliam iyən tojədən Yəməni siyasi ali şura sədr Saleh Əssəmadi terrori məhkumış kardə və votışe: siyasi lideron terror karde yəni votımon iyən siyasiroyku xaric bey.

İroni milli əmniyyət aliyə şura sərkatib Soçiədə beynəl xalğ əmniyyətiyə iclosədə iştirok kardero bə Russiyə səfərış kard.

Əv de Russuyə milli əmniyyət şura sərkatib Nikolay Paterşof həm vindemonış kardə.