Ğasımi: İron sıvoy ətomiyə təvafuğ hiç mıvzu barədə muzakirə nibəkay.

İroni xarıci vəzarətxanə sıxənəvot votışe: Tehron sıvoy ətomiyə təvafuğ hiç mıvzu barədə muzakirə nibəkay.

Bəhram Ğasımi bəzi mediyaonədə bə İron tojə təklifon doe barədə əlovəş kardə: jıqonə xəbəon hiç əsosış ni və fəğət bo beynəl xalğiyə ğiloğalonro sionist rejim və İroni bədxahon tərəfiku əv həm muzakirə cərəyoni əvəz karde xoto bəyon bedə.

Ğasımi votışe: İron bənə qıləy bəfodorə uzv ətomiyə təvafuğiku Amerkə xaric bey bəpeştə əv həm de co tərəfon tələbi bərobər bo ım muğavilədə ijən mandeyro vey kərə elanış kardə ki əqə cokişvəron ım təvafuği çərçivədə İroni mənafe təmin bekon ijən bəştə qiədə bıə məsuliyəton əməl bəkay çən co qılə be əsos iyən ğeyri həğiğiyə iddion hiçəhəmmiyətış ni.

İroni diplomasiya idarə sıxənəvot təkidış kardə: bə mıəyyən bıə çərçivi əsos de İroni təklif doe i minə mıştərəkə kamissiya ki be Amerkə huzuri bərpo bəbe fəğət İroni ətomiyə mıvzo barədə sohbət bəbe.

Çımiku bə nav İroni xarıci vəzir siyasi moavin həm təkidış kardə ki İron və Avropa miyono sıvoy ətomiyə təvafuği barədə co mıvzoon sohbət və bəyon ni bəbe.

Seyed Əbbas İrağçi əlovəş kardə: İron nati həvotə iyən enerji sahədə de Avropa əloğəonış hesteki ətomiyə təvafuği çərçivədə çəvon barədə ciddiyə muzakirəon bəbe.