De Ğuds iyən fələstinı milləti vəhdət icma tehronədə bərpo be.

De şərifə Ğuds və fələstinı millət vəhdəti qırdbemon zinə şanqo tehroni İmom Cəfər Sadığ(ə) məçitdə bərpo be.

Bə telerədyo aqentəti xəbon əsosi ironədə bıə fələstinı islamiyə mığavimət hərəkati nımayəndə Xalid Ğodomi ım qırdbemonədə ki fələstinı milləti himoyə kardeyu beynəlxalğə təşkilaton icma tərəfo bərpo be votışe: fələstinı millət dıştə həmmə ğıvvə şərifə ğudsı işğalqəron vədə bımndən və ilahiyə vədə zolımon vədə bə səbarzəti rəse yoddə benibəkn.

Ğodomi mıslmonon miyonədə coəti eğandeş bə islamiyə omməti zid sioniston fitnəqərə hərəkətonkuş zınə və əlavəş karde de sioniston əlağə adi kardeyu islamiyə məmləkəton bəzi rəhbəron xəyanəti kənoədə mıslmonon bəpe işğalqəron vədə bımandon.

bəhreynı mucahedonku qıleni Şeyx Əbdullah Saleh həm ım qırbemonədə votışe:sioniston həmmə mıslmonon və islamiyə məmləkəton deşmenin.

De Ğuds və fələstinı millət vəhdəti qırdbemoni oxoyədə fələstinı millətiku himoyə kardeyu beynəlxalğə təşkilaton itifaği bəyonot sionist rejimi cinayəton məhkum kardeyu iyən ım cinayəton domo qəte zərurəti həxədə handə be.

ım bəyonotdə şərifə Ğuds fələstinı əbədiyə paytəxt elan be və bə fələstinıjə avərəon oqarde planiku himoyə karde zərurəti həm işarə be.

Amerkə president Donald Tramp 2017 minnə sori dekabri 6 nə ruji şərifə ğudsış bənə izrail rejimi paytəxt zınəşe və həmzəman 2018 minnə sori mayə manqi 14 minnə ruji həm fələstinıjə şəhrvandon və xəyli məmləkəton mıxalifət karde kənoədə ıştə səforətxonəş telaviviku bə şərifə işğaliyə Ğuds ovıştınişe.

ğudsı təhğiğatiyə mərkəz elanış karde sionist rejim bə ğudsı zid Donald trampı ğəroli elan karde bəpeştə desbə ısət 187 nəfər fələstinıjə şəhrvandış bə şəhodət rosniyə.