Ruhani: Tehron de İslam Abad həmkarion inkişof doe tələb kardə.

İroni prezident, Çinədə bıə Şanxay həmkari təşkilati 18-nə iclosi kənoədə de Pakistoni prezident Məmnon Husein vindemoni cərəyonədə votışe: bəpe zərfiyyəton sayədə 2 tərəfiyə əloğəon miğdor xususi iğtisod sahədə çımiku vey bə inkişof berəsi.

Ruhani Pakistoni məntəğə və Şanxay təşkilatədə qıləy muhimmə kişvər hisobış kardə və votışe: çı Pakistoni enerji və vəşmoni təmin kardero İron karde bəzne xatircəm əkə şərik və mənbə bıbu.

İroni prezident ijən 2 qılə kişvəri sərhədonədə əmniyyəti vəziyəti zumand kardeku ıştə ruzi bey elanış kardə və votışe: İron və Pakistoni vahidə nəzər məntəğə iyən islam dınyo barədə vey muhimm və bə yande neze.

Əv təkidış kardə: Tehron, Kabol və İslam Abadi həmkarion sayədə Əfğanestani mniyyəti stabil karde bəbe.

Məmnon Husein həm ım mıloğatədə bə İron və Pakistoni miyono dostanə əloğəon işorəş kardə və votışe: bəpe tarifat sahədə mışkolaton həl karde ticariyə əloğəon çımiku vey ziyod bıbu.

Əv məntəğə əmniyyət xususi Əfğanestanədə bə İroni mısbətə rol işorəş kardə ijən İroni ətomiyə sazışiku mudafiə karde omidvar be ki İron vey rə Şanxayiclos və təşkilatədə rəsmən uzv bıbu.