Ruhani:de terroriston mubarizə İron və Rusiyə həmkarəti dəvom pəydo bəkay.
İron İslam Respublika president Rusiyə prezidenti vindımonədə əmniyət iyən məntəğədə həmkarətion inkişaf doeədə Tehron və Maskva əlağon dəvom pəydo kardeş muhim zınə və votışe:2 qılə məmləkəti həmkarətion de İŞİD iyən məntəğədə de coqlə terroristiyə qrupon mubarizə bardeyu dəvom pəydo bəkay.
Həsən Ruhani zinə çinı məmləkətdə Şanqhay həmkariyə təşkilati 18 minnə iclosi kənoədə de Rusiyə president Veladimir Potin vindımonədə votışe:2 qılə məmləkəti əlağon həmmə sahonədə inkişafi holədəy və ıştə qəpon dəvomədə əlavəş karde 2 qılə məmləkət enerji soap,mıdofiyə,və transit baxşonədə həmkarətion inkişaf doeyu veyə şərayetışon heste və Tehron Rusiyə şirkəton və xususiyə mərkəzon sərmayə noeku rozi bəmanden.
president Ruhani əlavəş karde tranzitı məsələdə Rusiyə əlavə be bə Şimal-Cənub osınə ro de Şərğ ixtisadiyə həmkarətionru yolə fırsət icod bəkay.
İron İslam Respublika president eyne holədə atom sazışədə bə rusiyə muhimmə rol işarəş karde və ıştə sıxanon dəvomədə votedə:İron bə atom enerji beynəlxalğə muəssisə hozzı kardə məlumaton əsosi atom sazışi çərçivədə bəştə doə vədəon əməlış kardə və Amerkə 1 tərəfə və ğeyre ğanoniyə xaric beədə Maskva atom sazışi hifz karde və navədə bə tərəfon doə vədəon icra kardeədə muhimmə rolış bə.
Veladimir Potin həm ım vindımonədə işarəş karde ki Maskva ixtisadi enerji soap iyən çmıdofiyə baxşonədə de Tehron ıştə həmkarətion dəvom bədoy və ıştə qəpon dəvomədə əlavəş karde Maskva avrasiyaədə ironi uzviyət və çəvon miyonədə ozodə ticariyə təvafuğnamə daimi beku iyən Şanqhay həmkariyə təşkilatdə tehroni kamilə uzviyətiku himoyə bəkay.
Potin eyne holədə atom sazışiku Amerkə xaric beş 1 tərəfə və ğeyre ğanoniyə hərəkətış zınə və elanış karde Maskva atom sazışiku himoyə kardeyu de coqlə tərəfon votımon karde dəvom bədoy.
Rusiyə president məntəğə əmniyət və oromətiyu Rusiyə de İron həmfikrəti iyən həmkarəti barədə işarəş karde və votışe: məntəğədə ım həmkarətion mincumlə Suriyə bıhronədə dəvom pəydo bəkay.
