İroni prezident bə İsveçrə iyən Avsteriya səfər bəkay.

İroni xarıci vəzarətxanə sıxənəvot votışe: İroni prezidenti səfər bə İsveçrə iyən Avsteriya karde bəzne İron və Avropa miyono əloğəon sahədə mısbətə təsirış bıbu.

Bəhram Ğasımi əlovəş karde: de diğğət bə Amerkə anti İron siyasəton idomə həmçınin ətomiyə sazışi təvafuğiku İroni xaric bey ım sazışədə mandə kişvəron və Avropa i bemon bəpe ijən İroni mənafe təmin beyro təzminat bıdən.

İroni xarıci vəzarətxanə sıxənəvot təsdiğış karde: İron və İsveçrə iyən Avsteriya rəsmi şəxson ım vindemonədə 2 tərəfi əloğəon, məntəğə və beynəl xalğiyə mıvzoon barədə həm muzakirə bəkan.

Ğasımi bə İroni səy-cəhd de muxtəlifə kişvəron çokə əloğə və həmkarion dəvom doe işorəş karde və votışe: İsveçrə iyən Avsteriya həmişə bə məntəğədə İroni mısbətə rol iyən de terrorizm mubarizə barədə meydonədə İroni zəhməton təkidışon be.

Ğasımi ımi həm işorəş karde ki İroni xarıci siyasətonədə qıləy əsl milləton miyono dostiyəti iyən məntəğə və dınyoədə sulh və stabiləti bərğəror kardeye.

Bo ətomiyə sazışi oqətə və dəvomi tojədən Avropa xarıci siyasəti yol Fedrika Moqerini Brusselədə votışe: Avropa bə İroni ədaştə bıə təklifon mısbətə sədo doeşe.