Zərifı cəvob trampı dıjdə qəpn vədə:moğət bıbi.

İroni xarici koon vəzir zinə şanqo Amerkə president Donald trampi bə İron islam respublika zid tındə sıxanon cəvobış do.

Bə İRNA xəbon əsosi Muhəmməd Cəvad Zərif ıştə tuviter səhifədə nıvıştışe trampı təhdidon ironıjonru əhəmiyyətış ni və əlavəş karde ironıjon 40 sore ki jıqo qəpon məsedən.

ironi xarici koon vəzir bə Tramp votışe:ironıjon çandə həzo sore ki hestin və imperiyaon mincumlə ıştə imperiya arəku şe vindəşone ki bəzi məmləkəton tarixisə dırozə tarixışon heste,moğət bıbi.

Tramp zinə İron İslam Respublika president Həsən Ruhani tojə sıxanon ki votəş be Amerkə de şirı dum hənək nıkə reaksiyaş nışon do və ıştə şəxsiyə tuviter səhifədə iddaş karde əqər tojədən Amerkə təhdid bıkə ,İron bə qıləy nəticə şohid bəbe ki tarixədə ve kam təcrubə bə.

Prezident Ruhani ironi nati ixracati vəy qəte həxədə amerkəvıjon cəvobış jıqo do və votışe:Amerkə president bızno ki İron tarixədə məntəğə ovə roon əmniyəti qarant əkə bə əvon de şirı dum hənək nıkən çunki ironi cəvob pəşimonəkə bəbe.