İİR iğtisadi inkişafi prespektivon

İİR Devləti Plan və Budcə Təşkilati sərdar, həmən Hokuməti mətbuatə katib Məhəmməd Bağir Nobəxt Beynəlxalğə Valyuta Fondi bə İroni iştisadiyyati doə ğıymət izah kardəşe.

Votəşe ki, ım Fondi bə İroni iğtisadiyyati dınyo məmləkəton arədə 18-minə vırə doəşe. Nezə soronədə çəmə iğtidsadiyyati həniən inkişaf karde dınyo devləton arədə bə 15-minə vırə ros bıe ro kafi ğədər potensial hestışe. Bımi ro valyuta vıjorədə ğeyri-sabitəti vəy se lozime ki, bımiən hokumət nail bıe bəzıne, çunki İroni iğtisadiyyati zumandə binovrə hestışe.

"İran.ru" bə "Web of Science" sayti əsasən xəbə dodə ki, İron nanotexnoloqiyadə dınyo devləton arədə bə 4-minə vırə ros bıə. Dəvardə sori bə ım sahə tədğiğati dair 8791 qılə elmiə məğalə dərc kardəşe. Im sahədə 1-minə vırə çe Cini, 2-minə Amerika, 3-minə Hindistani dastədəy. Rusiya de 4875 məğalə 10-minə vırədə ğəror qətedə.

İSNA Ağentiyyətiən bə ım sahə dair doə məlumatədə votə bedə ki, 2005-minə sori İroni milliə nanotexnoloqiya ğərərqah təşkil bıe. Haliyədə bı sahədə İroni 257 qılə kompaniya ko kardedə. Çəvon de nanotexnoloqiya istehsal kardə 376 nomədə məhsul bə dınyo 47 qılə keşvər ixrac bedə.

"İslamazeri.az" saytən xəbə dodə ki, dınyo universiteton  ımsornə reytinqə cədvəl elan kardəbə. Bı reytinğədə çe Turkiyə 1qılə, İroni 2, Rusiya 4 qılə universiteti vırə qətəşe. Çe Az.R ali təhsilə muəssison bı siyahi daxil bıe zınəşon ni.