Amerkə siyasəton çı ğərbi məhv bey bois bəbe. 

İroni ərtış ğıvvon stratejik mıtoliəon mərkəzi rəis votışe: sıpiyə bino ğələtə siyasəton dəvom çı ğərbi məğlobiyət iyən məhv bey bois bəbe. 

Bə İrna raporti əsos qeneral mayor Əhməd Reza Purdəstan zinə şəv Tehroni ğərb Əlborzədə Amerkə ısətnə vəziyəti vey bəd şəroyet hisobış karde və votışe: əqə Amerkə siyasəton jıqo dəvom peydo bıkə yəğin Amerkə həm bənə Səvet hukuməti sərnıvışt və tale təcrobə bəkay.

İroni ərtış ğıvvon stratejik mıtoliəon mərkəzi rəis bə İroni əleyh Amerkə təhrikəkə hərəkəton bə yodış varde iyən votışe: şah rejimi faxtədə İron məntəğədə çı Amerkə mənafe təminəkə be ki İronədə islamiyə inğilabi səbarzəti ım mənafe qırd arəku bardışe və peşo Amerkə deşməntion həm bino bıə. 

Qeneral mayor Purdəstan təsdiğış karde: Amerkə de muxtəlif metod və onvani İroni nizomi məhv karde pidəşe, ki həmonə hədəf de muxtəlifə şivəon əcumlə məntəğədə Vəhabi və Təkfiri terrorçion icod karde həmçınin iğtisodiyə canq dəvom kardedə.