İroni səhiyə vəzir:ironi tib məntəğə məmləkəton miyonədə həmməysə bəpey.

İroni səhiyə vəzir,tibı mıxtəlif sahonədə ironi inkişafiku işarəş kardeədə votışe:ironi tib, məntəğə məmləkəton miyonədə həmməysə bəpeə vırədəy.

Sed Həsən Ğazizadə Haşimi zinə şanqo TV 2 minnə kanalədə xəbə xususiyə votımoni nomo bıə bərnamədə əlavəş karde 30 sor sanqsiya və təziğon tov varde bəpeştə ısət həm nezə şərğ məntəğədə tib sahədə İron 1 minnə vırədəy və tib elm və texnoloqiya sahədə İron dınyoədə 15 minnə vırəş heste.

ironi səhiyə vəziri işarəş karde ki ironədə ehtiyoc bə dəmononku 95 faiz məmləkəti dılədə istihsal bedə və əlavəş karde tibı vəsilon sahədə həm omidımon heste omə soronədə çəmə ixracat 10 bərobər bıbo.

Ğazizadə Haşimi votışe:islami inğilabiku bə nav məcbur bimon xəyli noxəşon dəmon kardeyu bə xaric bıvğandəmon əmmo ısət ha sor çandə 100 noxəş ıştəni mualicə kardeyu bə İron səfər kardən ki ım məsələ tib elmədə çəmə inkişafiku hikayət kardə.