De Ğədir Xum mubarəkə idi mınosibəti təbrik.

Imruj 5 şanbə hicri ğəməri 1439 nə sori cilhicə 18 bərobər de milady 2018 minnə sori avqosti 30 mıslmonon yolə idonədə qıleni Ğədir Xum idə ruje.

Ğədir Xum Məkkə və Mədinə miyonədə qıləy məntəğə  nome ki islami əzizə peyğəmbər həzrət Muhəmməd(s) həcətulvidaədə Həzrət imom Əli(ə) dınyo şiəyon əvəlnə imomış ıştə bəpeştə vəli və rəhbər vıjnişe.

İslami əzizə peyğəmbər(s) ıştə oxonə həciku oqardə vaxti həmmə mıslmononış ki Həc mərasimədə iştirakışon kardə be Ğədir Xum məntəğədə cəmış karde və əyo Həzrət imom Əli(ə) bənə vəsi və bıvə iyən ıştə vırədə mandəkəs,mutəalə Xıdo tərəfo elanış karde.

İslami əzizə peyğəmbər(s) Ğədir Xum muhimmə xutbədə votışe: ha kəs ki az çəy molam çımı bəpeşt Əli çəy molay.

Ğədir Xum ki islamiyə rəvoyətonədə  həmməysə yolə id təbir bə bəznemon həmmə ilahiyə dinon yolə idi nomo təbir karde,çun ki  həmmə ilahiyə peyğəmbəron zəhməton nəticə bı rujədə bə nəticə rəsə.

İslamiyə ironi mumin və Xıdo roədə bıə cəmaət Ğədir Xum  idə ruji əlavə bə ım ki məzhəbiyə vıronədə mıxtəlif şoə mərasimon bərpo kardən bə səydon vindımon həm şedən.

İron İslam Respublika telerədyo Ğədir Xum  idə ruji dəme mınosibəti bə həmmə şiəyon,coqlə mıslmonon və dınyoədə ozodəti tələb kardəkəson təbrik votə.