Əhvaz terroristiyə həmlə şəhidon cənazəon dəfn karde mərosim.

Əhvazədə bıə terroristiyə həmlə şəhidon cənazəon dəfn karde mərosim ımruj de İroni rəsmi şəxson iyən hərbi fərmondəhon iştiroki bərpo be.

İroni nizomi məsləhəti mıəyyən əkə şura sərkatib Mohsen Rezaei ım mərosimədə Əhvazədə bıə terroristiyə həmlə illətış İroni milləti mığoviməti vədə dınyo istikboriyə kişvəron məğlubiyəti nışonə zınəş be və təkidış karde: İroni milləti dışmənon bə İroni zumandəti iyən iğtidori zərbə varid karde əzı nin.

Rezaei votışe: əqə dışmen bə çəmə əmniyət zərbə je iyən jığonə terrorçiyə hərəkəton əncom doe pidəş bıbu de İroni milləti zumand iyən saxtə reaksiya dim bə dim bəbe.

Sentiyabri 22, İroni Əhvaz şəhri qıləy parkonku bə ım şəhri hərbi parad mərosim terroristiyə həmlə nəticəku, 25 nəfər çı əhvazi şahrvandon iyən hərbiyon şəhid və 60 nəfəriku vey zəxmin bıən.

İroni dıvlət kabinet ımrujnə ruji İronədə bənə umumiyə əzo elanış karde və xəbə omə ki ımruj çı Əhvaz ostani idarəon, dıvləti təşkilaton, məktəbxonəon iyən universeton tətile.