Qeneral mayor Səlami: dınyo çı Amerkə ğudrəti məhv bey muşahidə kardedə.

İroni sepah təşkilati muavin islam dınyoədə Amerkə əmniyyəti və siyasi hədəfon məğlub bey zınəş be və votışe: ısət dınyo çı Amerkə ğudrəti məhv bey şohide.

Bə İrna raporti əsos Huseyn Səlami bə Amerkə niyət, məntəğədə İroni nıfozi kam karde işorəş karde və əlovəş ka: deşmən fəğət bə iğtisodiyə canqi pənoh bardə çorəş heste.

İroni sepah təşkilati muavin təkidış karde ki İroni millət çı deşmənon hisob kitobon əvəz kardəşone və votışe: İroni milləti tarixədə iğtisodi və hərbi həmləon vədə mande nımonəomku purin.

Səlami, Amerkə vədə İroni milləti 40 sornə muğaviməti qıləy nımonə muğavimət zınəş be ki hiç kişvər çəy tov varde əzı ni və təkidış karde: İron İslam Respublika vey vaxte jıqonə iğtisodiyə fişaron jentonədəy ki har kişvər hətto Amerkə ım fişar və təziğon muğabilədə vılo bəbe.

Qeneral mayor Səlami əlovəş karde ki bə İroni əleyh Amerkə və deşmənon fitnəkorə hərəkəton hokmən bə çəvon tərəf obəqarde.