İron Putini bə çəşe

İİR RF-də səfir Kazem Cəlali bəyonış kardə ki, Tehronədə bo Rusiyə prezident Putini ome hozzo bedən.

De diplomati sıxani, Rusiyə-İron mınasibəton bə barzə səviyə-strateji hədd ros bən, yolə mehmonon requlyar səfəron ımi ikərən təsdığ kardedən.
Səforəti press-xıdməti, Теhroni bo Putini çəş kardə səfəri fəol hozzo be ğeyd kardəşe. İslam Respublika XKV rəhbər Аbbas Аrağçi bo səfəri hozzoəto bardə be təsdığ kardəşe. RF prezidenti press-kotib D. Peskovi səfəri kon ruji sə qəte barədə muloğaton bardə be votəşe..
RF prezident V. Putin iminə kərə bə İron 2007-minə sor oktyabrədə kaspiətrofi keşfəron dıminə sammitədə iştiroki ro omə. Bəvədə çəy de Ali rəhbər аyatolla Əli Hamneyi vindemonşon bə. Çə fəxtonaku Rusiya prezident çandi-çand kərə Теhronədə bə: 2015-minə sori noyabrədə ğaz eksport kardə keşvəron forumədə, 2017-minə sori noyabrədə de İron və Azərboyconi muloğaton barde ro, 2018-minə sori sentyabrədə astana mığavilə keşvəron rehbəron bə suriya məsəlo ro zəmonəti qırdemonədə. Putini bə İron oxonə səfər 2022-minə sori senyabrədə astana formati çərçivədə bə.
Rusiyə prezidenti bə İron həmmə səfəron koy xarakterin bə və ın omə səfərədən dıtərəfinə həmkoəti həniən zumand karde çəş kardə bedə.