İroni-İslamiyə inkişofi fundamental ulqu zumand karde xoto Yolə Rəhbəri dəvət.

İslamiyə İnğilabi Yolə Rəhbər Həzrəte Ayətullah Xamenei İroni-İslamiyə inkişofi fundamental ulqu zumand iyən komil karde xoto cəmaəti bə komək iyən iştirok dəvətış kardə.

Bə İslamiyə İnğilabi Yolə Rəhbəri aparati raporti əsos, İroni-İslamiyə inkişofi fandamental ulqu mıəyyən bey bəpeştə ki çəy dılədə bo omə 50 sori İroni çokə tale, inkişofi orzuon və muhimmə əslon iyən bəy rəsey xoto əsərinə aqılmandətion kəşə bıə, İslamiyə İnğilabi Yolə Rəhbər Həzrəte Ayətullah Xamenei aparaton, elmiyə mərkəzon, elitaon və nəzərsoybonış bə tərtib bıə sənədi muxtəlifə ulquyonədə nığılə təhğiğ və bo ım ali sənədi komil, isloh iyən zumand karde məşverətiyə nəzəron edaşte dəvətışon karde.

Həzrəte Ayətullah Xamenei həmçınin bə İroni-İslamiyə inkişof ulqu mərkəzi vəzifəş doə ki de mıəyyən bıə şəxson məşverət karde, komiləkə təklifon və nəzəronədə dəğiğ təhğiğ və istismor bıkə ta de tosə omə 2 sori mıddət zumand bıə İroni-İslamiyə inkişof ulqu bo təsvib və icra bey hozzo bıkə, jəqo ki ım ulqu Hicri Şəmsi 15-nə əsri əvvəliku de çokə sorəti bino bıbu və kişvər çı royədə hərəkət bıkə.

İslamiyə İnğilabi Yolə Rəhbər təsdiğış karde: de Xıdovəndi komək və hidoyəti, çand həzo çı İroni cıvonə mıdrikon, hozə və universitiyə ustodon iyən nəzərsoybon isistematik cəhd bo İroni-İslamiyə inkişofi ulqu plani kəşe, ısət 7 sori bə peştə və İslamiyə İnğilabi bə səbarzəti rəse 40 minə sorəqardışədə bə nəticə rəsə.

Həzrəte Ayətullah Xamenei işorəş karde: ım sənədədə çı İroni inkişofi əsosə hədəf iyən orzuon tərtib və bo omə 50 sori kişvəri vey çokə tale mıəyyən iyən və bəy rəsey xoto əsərinə tədbiron kəşə bəy ki ım saxt və yol əmmo şin iyən imkoninə ko nəticəku, kişvər inkişofi royədə hərəkət bəkarde və İroni ekosistemədə İroni İslamiyə tojə mədəniyyəti mıborəkə həşi oşko bəbe.