Pars Today

İroni xarıci vəzarətxonə sıxənəvot de Yəmənədə bıə insoni qıvoninə şərayetiku ıştə niqəroni nışo doe votışe: Yəmənədə bə insoniyə faciə oxo doe bo ımrujə dınyo tarixiyə məsuliyəte.

Bəhram Ğasımi zinə Yəmənədə bıə qıvonəti şəroyet məxsusən Əlhodidədə bə mıolicə mərkəzon və kəon Ərəbıstoni tərəfo pesoxtə bıə koalisia dəvominə bombardemoni məhkum iyən təsdiğış kardə; ım vəzyəti amil həmonə təcavuzkoronin ki bə beynəl xalğiyə niqəranion iyən xəbədoətion diğğət nıkarde holədə de be əsosə bəhonəon və xıyolinə tovcihon, Yəməni be mudafiə milləti bombardemon kardedən.

İroni xarıci vəzarətxonə sıxənəvot Yəməni milləti şəroyeti barədə bə İ Bıə Milləton Təşkilati insoniyə huğuği ali komisser Mişel Başleti etirofon işorəş kardə və əlovəş kardə: bə ğeyri hərbion dard oxo doe xoto ım Təşkilati rəsmi şəxsi tələb, kamelən drıst be və de telə həğiğətoni ki Yəmənədə dəvom kardedə mıntəbiğ iyən həmohənqe ki bəpe ciddi qətə bıbu.

Ğasımi Yəməni-Yəməni votımon iyən muzakiron zəmoni ijən bə təxir eğandeku ıştə təəssufış nışoş do və izhorış karde: Səudiyə Ərəbiston və İ Bıə Ərəbə Əmirəti, hər zəmon ki beynəl xalğiyə cəmyəti cəhdon Yəməni-Yəməni sohbəton bino bey xoto ciddi bıdə de  təcavuzi bə Yəmən şiddət doe muzakirə royə mane icod kardən.

İroni xarıci vəzarətxonə sıxənəvot təkidış kardə: bəpe rə-rə təcavuzi vəy qəte və bə Yəməni milləti komək karde xoto şəroyet icod bıbu.