Ermənistoni ovi həxon 

 Ermənistoni ıştə ovi həxon bə Tırkiyə 99 sor təslim karde barədə tırkiyə informasiya vasiton xəbə doəşone. 

Ermənistoni Sər Vəzir Nikol Paşinyan Araz ru ovi həxon bə tırkiyə 99 sor betəmənno təslim kardəşe. Ğeyd kardə bedə ki, de omə roziəti, bə tırkiyə tərəfi çın ru səpe çandi-çand qılə bənd və  hidroelektrik stansiyə soxte icozə doəbə. Yerevan ın roziəti dı keşfəri miyono əlağon normal karde ro şodoə qəm hisob bıkoən, eksperton ımi çe Ərdoğani strateji ğələbə hisob kardedən.
Roziəti, Boku bə Erməniston şə tranzit şəlon ıştə əroziku vadoe icozə doe bədiqə omə bə. Məlumotədə, navədən Erməniston hokuməti tərəfo kali, bənə ararat bandi təsviri ıştə mıhiədə bekarde simvolik hərəkəton kardəş be. Roziəti bə Tırkiyə, Ermənistoni yolə ru və peşomə ovi resurson səpe məhdud nıbə imkonon dodə. Аnalitikon ın qəmi, Ermənistoni peş 44 rujinə canqi bədiqə çanəndə çe krışnə qınye və Ankara məntəğədə təsiri ziyod be ğeyd kardedən.