İronədə vəhdət beynəl xalğiyə iclos, Amerkə planon məğlubiyəti nışonəy.

İslamiyə məzhəbon miyono təğrib beynəl xalğiyə icma rəis Ayətullah Əraki votışe: Tehronədə vəhdət beynəl xalğiyə iclosi dəvoniye İroni bə təcrid barəde hədəf və məğsədədə Amerkə məğlubiyəti nışonəy.

Bə İrib raporti əsos, ım icma aliyə şura rəis Ayətullah Muhəmməd Əli Təsxiri təkidış kardə: Ğuds çı islamiyə umməti mehvər bənə ımsornə iclosi əsliyə mıvzo intixab bıə çın həmmə umməton bəpe Fələstin məsələ barədə vahidə nəzərışon bıbu.

Əv əlovəş karde: bəpe istikbari vədə muğavimət karde və bə əvoni ki sionist rejimi bə vıcud varde bois bıən zumandə cəvob bıdəmon.

İslamiyə vəhdət 32-nə dıvrə iclos de 100 qılə kişvəronku ğonğon iştirok karde Noyabri 24 Tehronədə bərpo bəbe.

Rəhmətən lelaləmin nomo beynəl xalğiyə iclos həm de vəhdət haftə bino bey həmzəman Pakistoni İslam Abadədə de 30 qılə kişvəronku alimon iştiroki bərpo be.

Im iclosi i minə rujədə ki Pakistoni i minə vəzir Umran Xan iştirokış kardə be alimon Xıdo Rəsul(s) təlimon iyən məzhəbon miyono nızəti barədə sohbət kardışone.