Zərif:atom muzakiron de Amerkə tojədə təşkil əbı ni.

İroni xarici koon vəzir ironi atom sazışiku himoyə kardeədə votışe: bə ironi nəzəri əsos atom muzakiron de Amerkə tojədən tikrar nibəbe.

Bə telerədyo aqentəti xəbon əsosi Muhəmməd Cəvad Zərif Miyonədeyo diyaloqi məmləkəton iclosədə ki Roma  şəhrədə bərpo be de İron ,atom muzakiron tojə devrə təşkil kardeyu Amerkə fəaliyəton vədə reaksiyaş nışon do və votışe: atom sazış qıləy çokə sazışe və İron İslam Respublika həni ıştə atom bərnamon həxədə de Amerkə muzakirə nibəkay.

Zərif işarəş karde ki de dınyo  6 qılə məmləkəti İron İslam Respublika atom muzakiron nakonə devrə 12 sor dəkəşə və çəy nəticə bə dast omə atom sazış be və əlavəş karde ısət Avropa və atom sazışi coqlə uzvon nubəy ki beynəlxalğə əmniyətiyu fəaliyət bıkən.

Muhəmməd Cəvad Zərif votışe: İron və İtaliya tarix bəzi idda əkə məmləkəton umrisə veye və əlavəş karde boçimi xotoy ki zuə qəpi ğəbul kardə nimon çon zındəmon heç qılə ğıvvə əbədi ni.

ironi  xarici koon vəzir Ərəbıston və məntəğə bəzi məmləkəton,Sədam,İŞİD,Talibon və Cebhətulnusrəku himoyəon barədə işarəş karde və votışe: ım məmləkəton hestin ki bəpe məntəğədə ıştə siyasəton və rəftoron əvəz bıkən.

İroni  xarici koon vəzir Muhəmməd Cəvad Zərif miyonə deyo diyaloqi məmləkəton iclosədə ki ha sor bərpo bedə 4 şanbə şəvi bə İtaliya paytəxt Roma şəhr daxil be.