Xərrazi:Amerkəvıjon Ərəbıstoni bə batlaği tərəf hidayət kardən.

İroni xariciyə əlağon strateqiya şura rəisi votışe:Amerkəvıjon,Ərəbıstoni bə batlaği tərəf hidayətışon kardə və ısət Ərriyad çəvon xıdmət əkəy.

İroni xariciyə əlağon strateqiya şura rəis Kəmal Xərrazi de Livani Ələhd xəbəriyə mərkəz Ərəbıstoni de Amerkə həmkarətion barədə təşkil doə votımonədə əlavəş karde Amerkəvıjon Səudiyə rejimi yolonışon bə batlağ əğandə və bə Amerkə prezdent Donald Trampı votəyon əsosi Vaşinqton ısət bənə zandəqo səudion duşe fikədəy.

İroni xariciyə əlağon strateqiya şura rəis eyne holədə Yəmənı məmləkətdə otəşbasti bərğəror kardeyu İsveç iclosi nəticonku himoyəş karde və votışe:Tehron yəmənıjə qrupon miyonədə muzakironku rozi bəmande.

Xərrazi omidvarətiş karde yəmənıjə qrupon miyonədə muzakiron Yəmənı milləti faydon cəhətdə bıbo.