Çılə şəv dınyo mənəvi irson siyahiədə səbt bəbe.

İroni turizm, dastiyə sənaye və mədəniyə irson təşkilati rəis Yəlda ya həmonə çılə şəvi çı dınyo mənəvi irson siyahiədə ğeyd kardeyku xəbəş do.

Bə İrna raporti əsos Əli Əsğər Munesan zinə şəv Yəlda mərasimi kənoədə votışe: İron və hamsoyə kişvəron miyono mənəvi irson iyən mıştərəkə rəsm adəton çı İroni mədəni nıfuzi nışonəy.

Əv omidvar be: de hamsoyə kişvəron komək və iştirok iyən dınyo mədəniyə irson siyahiədə Yəlda şəvi ğeyd karde, kişvəron miyono dustiyəti və əloğə çımiku həm vey bıbu.

Munesan votışe: ım mıştərəkə irs nışo doydə ki farsi zıvonə milləton hejo yande kənoədə bıən və əmə xoşhalimon ki həminə mədəniyə irs dınyoədə təsdiğ bıdə.

İroni turizm, dastiyə sənaye və mədəniyə irson təşkilati rəis əlovəş ka: çılə şəv mehrəbançiyəti pik noğtəy ki ailəon həminə şəvədə bə kitob hande və yod qəte məşğolin.

Munesan ijən votışe ki Yəlda şəvi yeqanə peyğom dınyoədə sulh və mehrəbançiti hevuj kardeye ki yəğin de çəy səbti vasitə ım mesaj həm çımiku vey pıvlo bıdə.

Yəlda ya çılə şəv çı İroni qıləy kanə və ğədimi rəsm-adəton heste ki har sori vey dırozə şəvədə yəni pozə fəsli oxonə şəvədə de zımıstoni dəme həmzəman yol və əziz ğeyd karde bıdə.