Ğasımi:məntəğədə Amerkəvıjə ğıvvon huzur no oroməti əsosə dəlile.
İroni xariciyə koon vəzorətxonə Asiya ğərb məntəğədə Amerkəvıjə ğıvvon huzurış məntəğə no oromətion əsosə dəlilış zınə.
Bə xariciyə koon vəzorətxonə dediyaiyə mərkəzi elanon əsosi Bəhram Ğasımi zinə Suriyə əraziku Amerkəvıjə ğıvvon xaric be xəbəri vədə reaksiyaş nışon do və votışe: məntəğədə Amerkəvıjə ğıvvon daxil be və huzur əvvəlicu səhv,ğeyre məntiği və problem icod əkə be.
Ğasımi əlavəş karde Asiya ğərb məntəğədə təşkil bə hadison tarixi təhlil karde nışon dodə de mıxtəlif bəhonəon xariciyə ğıvvon huzur ım muhimmə məntəğədə ğəyrəz no oroməti və ixtilafon ve be coqlə nəticəş bə ni.
Amerkə prezdent Donald Tramp,Suriyə nizomi əvəz kardeyu 7 sor terroriston ociz mande bəpeştə dekabri 19 minnə ruji elanış karde Amerkəvıjə ğıvvon ve rəv Suriyəku xaric bəben.
Amerkə de terroristiyə qrupon mubarizə barde bəhonə və ğeyre ğanoniyə holətədə yəni Suriyə devləti icazəku kəno Suriyə məmləkətdə hərbiyə huzurış heste.
