Zəmini jentonədə bıə İroni balestik rəketon istehsoləkə mərkəzonku qıləyni nımoyış doə bəy.

Qıləy mərasimədə Dezful zəmin bə zəmin balestik rəketi nımoyiş doe kənoədə i minə kərə zəmini jentonədə bıə İroni balestik rəkəton istehsoləkə mərkəzonku qıləyni nımoyış doə bəy.

Bə İrna raporti əsos ım mərasimədə ki d İroni inğilabi səbarzəti sorəqardışi həmzəman əncom be İroni sepah təşkilati fərmondə qeneral Cəfəri votışe: İronədə anədə hoşinə və dəğiğə balıstik rəketon isteshol çı rəkətiyə ğudrəti pik hədi nışonəy ki de İroni cıvonə alimon səy və cəhd bə dast ome.

əv ım mərkəzi i minə kərə nımoyiş doe barədə həm əvış bə ğərbion zumandə cəvob və reaksiya nışo doe çərçivədə zınəş be ki hiç vaxt de təhdid və sanksiya İroni məhdod karde əzı nin.

Qeneral mayor Cəfəri İroni rəket ğudrəti barədə bə muzakirə və mıbodilə nıkarde təkid və əlovəş ka: ğərb ısət qılə holədə İroni rəketiyə ğudrətiku qəp jıdə ki əvot ıştən ıştə hərbi ğudrətiku bə məzlum və bə kənoə cəmaəti həmlə kardero istifodə kardedən.

İroni sepah Avyasiya təşkilati fərmondə Qeneral Hocizodə həm ım mərasimədə deşmənon təhdidon vədə İroni əmniyyəti çı kişvərə sıə xət zınəş be və ım sahədə ozavziyə çı İroni təbie həx hisobış ka.

Dezful balıstik zəmin bə zəmin rəketi mısofə 1000 kilometr elan bıə.