Bəhram Ğasımi: Avropaədə əmniyət de İroni cəhdon bə dast omə.
İroni xarıci vezarəzxonə sıxənəvot votışe: Avropa dıvət iyən əmniyəti orqanon çok oğoin ki çəvon kişvəronədə bıə ısətnə əmniyət de terrorizm mubarizə barde sahədə İroni cəhdon vositə bə dast omə.
Bə İrna raporti əsos, Bəhram Ğasımi bə Avropaədə terroristi hadisəon sabiğə işarəş karde iyən votışe: məntəğədə de terrorism mubarizə barde sahədə İroni səy-cəhdon anədə təsirin və ciddi be ki Suriyə və İraği veyə baxşon terroriston dastiku xilos bıə, əmmo ijən bo terrorizmi kamilən məhv kardero bə həmkarəti iyən ciddi iradəon ehtiyoc heste.
Bəhram Ğasımi əlovəş karde: Avropa kişvəron bəpe diğğət bıkən ki Avropaədə noəm vəziyəton iyən terroristiyə hərəkəton bə çəvon rəftor obəqarde, əlbətə ım terroriston əğidə, siloh, pul, himoyə iyən bə əvon doə imkanaton mənbə və təminəkə oşko məlume.
Əv de terrorizm mubarizə barde sahədə Avropa kişvəronış bə 2 dimə rəftori əncom doe məhkumış karde.
Ğasımi çı Avropa ım curnə vindımoniku tənğidış karde iyən votışe: terrorizm har vırədə ki bıbu de har curnə forma məhkum kardənine.