Ruhani:Amerkə de ironi millət rəftoron bə insoniyəti zid cinayəte.

İron İslam Respublika prezdenti votışe: amerkəvıjon rəftor dəmonon sanksiya bə insoniyəti zid cinayəte.

prezdent Ruhani 4 şanbə şəvi Qilan ostani inkişaf və vıjniyəbə şəxsiyəton iclosədə əlavəş karde Amerkə hukumət   du votedə ki fəğət  de ironi nizom və hukumət problemış heste və ım idda qıləy be şərmə duə qəpe əvon hətta qıləy dəmon soxtə mərkəzi icod kardeyu ironi millətışon de  təziğon dim bə dim kardə.

ironi prezdent, Amerkə hukuməti de ironi millət əncom doə koonış sanksiyaku bəpe və bə insoniyəti zid cinayətış zınə və votışe:çəvon problem atom sazış və atom muzakirə ni.

prezdent Ruhani əlavəş karde ımruj amerkəvıjon həmmə millətonədə problemış heste və bə Yəmən,Venesoela və dınyo mıxtəlif məmləkəton və hətta  bəştə duston təziğ nışon dodə.

İron İslam Respublika prezdenti votışe: Amerkə hukumət zahirən cokəson əzyət kardeku ləzzət bardə və ımi ıştə fəxrnku zındəy ki ve rohət beynəlxalğə sazışonku xaric bedə və ım de məntiğ,əğl və siyasət bərobərətiş ni.

prezdent Ruhani votışe:ə cəmaət ki ımruj amerkədə bə ğıvvə rəsə fəğət de ironi millət problemışon ni bəlkə ,ımrujnə dınyo dəvon qiriftar bə.

İron islam respublika prezdenti votışe: dınyo saxtə ruzqari dəvonedə,jəqo ki hətta Avropa yolon bə Amerkə hukuməti zid ve tındə iborətonku istifadə kardən.