İnğilabi yolə rəhbər:Xıdo royədə mucahidət karde cubran kardənin ni.

İslami inğilabi yolə rəhbəri bə islami inğilabi sepahe pasdaran ğuds ğıvvə fərmondə qeneral mayor Ğasım Soleymani zolfəğar aliyə nışoni təğdim karde mərasimədə votışe:Xıdo roədə mucahidəton jıqonə çionədə cubran əbı ni.

Bə Həzrət Ayətullah Xamenei əsəron hifz iyən nəşrəkə dəftərxonə elanon əsosi islami inğilabi yolə rəhbəri əlavəş karde əvi ki Xıdo roədə  mucahidət karde vədə heste və  con və molış Xıdavəndə xalıği roədə bə  dastış qətə vəhişte iyən Xıdo rizoy.

Həzrət Ayətullah Xamenei əlavəş karde  ə çioni ki çəmə dastədə heste çı zıvon və çı əmələdə təşəkkur karde bıbo və çı nışonə və dərəcəoni ki dodəmon,çioni hestin ki bə dınyo maddiyə hisob kitobon əsose,əmmo bə mənəvi və ilahiyə hisob kitobi əsos votənin ni,əlhəmdulelah şımə həmmə jıqo mocahedətın əncom doə və fəaliyətın kardə.

İslami inğilabi yolə rəhbəri votışe:əlhəmdulilah mıtəalə Xıdo bə çəmə ım əzizə bıvə ağaye Suleymani həm tofiğış doə,əmmo çandə kərə ıştə conış,deşmenon hucumon vədə ğərorış do,Xıdo roədə,Xıdvəndə xalıği xoto və muxlisən lilah. və mucahidətışon kardə.

inşallah mıtəalə Xıdo bəy əcr bıdə və fəziləton ğısmət bıkə və çəy jimoni səadətmand bıkə və çəy ağıbəti şəhodət ğəror bıdə ,əlbətdə ne ısət hələ islamiyə respublika dəy koş heste.

əmmo nəhayətdə inşallah şəhodət bıbo.inşallah bə şımə mıbarək bıbo.