Ruhani bə İrağ təşkil doə səfər ironi əzəmətış nımayeş karde.

İroni prezdenti 1 minnə muavin,prezdent Ruhani bə İrağ təşkil doə səfərış İroni əzəməti nımayeş does zınə.

İshağ Cəhanqiri zinə əsrə vaxti tehronədə şəhidon ruji 6 nə beynəlxalğə kanqıresi mınosibəti təşkil bə qırdbemonədə  İroni məğamon bə məntəğə məmləkəton mincumlə İrağ səfər karde həxədə işarəş karde və votışe:İron İslam Respublika prezdenti bə İrağ tojə təşkil bə səfər və irağıjə məğamon,bomiyə məğamon,şeyxon və mıxtəlif toyfan yolon bə çəy və beşe, de əzəmətinə mərcə təğlidon vindımon karde və ətəbat iyən hərəmeyne şərifeynədə çəyku istiğbal be bəpeə səviyədə İron İslam Respublika əzəməti nışon dodə.

İroni prezdenti 1 minnə muavin ım muali bəyon kardeədə ki boçi İron jıqo irağıjə məsul şəxson və milləti dılədə vırəş kardə və Amerkəvıjonku nifrət heste,ıştə sıxanon dəvomədə əlavəş karde İron İslam Respublika de mərhum imom Xomeyni tədbir və yolə rəhbəri hidayəton məntəğə milləton dılədə vırəş kardə.

Cəhanqiri əlavəş karde İron İslam Respublika məntəğə məmləkəton saxtə devranədə,bə har çi çəş beku kəno de maliyə imkanon və hətta dıştə fərzəndon coni bəvon koməkış kardə.

Cəhanqiri dəvardə nezə rujonədə bə Suriyə ıştə səfəriku işarəş karde və votışe: xəylion təsəvuriku kəno Suriyə vəziyət orom be və ım məmləkəti prezdenti bə Tehron səfər karde həm 2 tərəfi nığılə əlağonku hikayət kardə.