Qurcıstanədə Nəvuzə idi mərasimon.

Teflisədə de İroni səfarətxonə zəhməti bo farsi zıvonə məktəbonədə tələbəonro nəvuzə idi məxsosə mərasim bərpo be.

Qurcıstonədə İroni səfir Seyed Cəvad Ğəvam Şəhidi ım mərasimədə farsi zıvoni yod doe iyən İron şınasi mutaliəonış İron və Qurcıstoni miyono əloğəon zumand və hevojəkə amil zınəş be.

Teflisədə İroni səfarətxonə mədəniyə məsol Həmid mıstəfəvi həm bə Qurcıstoni məktəbonədə farsi zıvoni təlim doe əhəmiyyət işorəş karde və votışe: insonon miyono əloğə icod karde kənoədə zıvon çı milləton mədəniyyəti vey muhimmə baxş hisob bıdə.

Im mərasimədə Teflis şəhri İliya unniversiti ostad və farsi zıvoni muəllim Sopiyo Qaqoşidze həm ıştə nıtğədə çı İroni mədəniyə mərkəzi fəaliyətonku ğədrdontiş karde və Qurcıstoni farsi zıvonə məktəbonədə elmi və təlimi bərnoməon barədə sohbətış kardedə.