İronədə Təbiəti ruj.

İroni millət ımruj Fərvərdinə manqi 13(Apreli 2) bə qıləy ğədimi rəsm-adəti əsos bə təbiəti havzə vırəon bəşen.

Fərvərdinə manqi 13 çı Nəvuzə İdi vey xoşə rujonku qıləyni hisob bıdə ki de Təbiət ruji bənə tətilə ruj İroni təğvimədə ğeyd bıə.

12 ruj çı nuyə sori dəvarde bəpeşt İroni millət bo ıştə dılədə bıə şoyvonətion nışo doero iyən deştə ailə və duston bəharə fəsli 13-nə ruji çı Ttəbiəti kənədə dəvonedən.

İroni millət təbiətədə Nəvuzə İdi 13-nə ruji dəvoniye vasitə çı Xıdo doə neməton şık kardən iyən de təbiətiku ləzzət barde əy bənə ğiyomət və məaadi bə yod varde simvol zındən, çumçiku bo Nəvuzə İdi tətilə əyyami oxonə ruji dəvoniyero kəku xaric bıdən ijən havzə təbiətədə seyr-siyohət kardən.

Bəziyon həm bovəşon heste ki Nəvuzə İdi tətilə əyyomi vey ğəşənqə xatirə iyən xoşə ləzzəton de ailə bə ico Fərvərdinə manqi 13 təbiyətədə iştirok peydo karde vasitə icod bıdə.

Imruj vey İronijə xalğon bəştə adət-ənənon əsos havzə və səbzəon bə yande anqıl jedən peştə əy bə ru ğandən ta çəvon tale havz bıbu.