İroni Yolə Rəhbər: əsliyə ko ovəyzi vironəon ijən obod kardeye.

İroni Yolə Rəhbər təkidışon karde: ovəyzi nəticəku icod bıə zərəlr-ziyanon əvəzi doe bəpe əncom bıbu.

Zinə de məbəs idi mınosibəti İorni Yolə Rəhbəri tono islami kişvəron səfiron, İroni yolon və cəmaəti huzuri cərəyonədə Həzrəte Ayətullah Xamenei əlovəşon karde: ım hadisədə İroni milləti səy-cəhd iyən koməkon ki rə bə meydon omin ijən rəsmi şəxson peştədə mandə bin vey çok be iyən sftənə koon əncom doe bois bıə.

Həzrəte ıştə sohbəton dəvomədə məbəsi barədə iyən muxtəlif cəmaətonədə peyğombəron zuhur karde tohid iyən tağotiku diyəro mande çərçivədə əzəmətinə hərəkət hisobış karde və votışone: tağot çı tohid cərəyani vədə qıləy cəhbəy ki çəy nımunəon Amerkə və kali kişvəron yolə şəxson dılədə moşahidə bıdə.

İroni Yolə Rəhbər təkidışon karde: dəvardə sosonədə iyən hale hazirədə sionist rejimi təcavuz çı tağot cəhbə canq icodəkəyon iyən çəvon vədə Fələstini muğavimət iyən Livani Hezbullah hərəkəton ya xot İroni milləti 8 sornə muğəddəsə mudafiə Xıdo roədə cəhad iyən tohid cəhbə barzə nımuməy.

Həzrəte Ayətullah Xamenei İroni islamiyə inğilabi Xıdo Rəsul(s) besəti dəvom zınəş be və hamiyəşone: de İroni millət deşməntion dəvom peydo karde illət tağot və tohid cəhbə miyono canqi dəvome və ım sıxən ki əmə deşmən icod kardəmon qıləy nadırıst sıxənone boçi ki tağot de tohidi hərəkəton muvafeğ ni iyən Amerkə və çəy nokəon bənə sionist rejim və Ərəbiston fəğət tohid roədə milləton hərəkət nıkarde pidəşone.

İroni Yolə Rəhbər əlovəşon karde: əqə İroni milləti hərəkət bənə dəvardəyon dəvom peydo bıkə hukmən Amerkə iyən çəy mıttəfiğon vədə səbarz bəbe.