İroni millət de vəhdət iyən həmdıləti təbii bəloon vədə həm səbarz bəben.

İroni xarıci vəzir votışe: İroni millət de vəhdət, həmdıləti iyən de dıvlət həmohənqə cəhdon vasitə təbii bəloon vədə həm səbarz bəben.

Muhəmməd Cəvad Zərif zinə İroni bəzi məntəğəonədə şiddətinə ovəyzi barədə Amerkə xarıci vəziri be ədəbə sıxənon reaksiyadə votışe: Amerkə rəsmi şəxson iyən xarıci vəzir de iğtisodi terrorizm İroni milləti hədəf qəteşone.

İroni xarıci vəzir təsdiğış karde: Amerkə rəsmi şəxson ki bə İroni ovəyziku ziyan vinde kəson xarıci maliyə koməkon vədə mane bıən çok əbey təbie bəloonədə cəmaəti dard-əzobiku sue-istifodəon əvəzi bəştə kişvəri vəziyət diyəşon bıbu ki çoknə təbie hadisəonədə Amerkə vıjon çand manq hadisə bəpeştə hələ de ciddi bıhranon dim bə dimin.

Zərif əlovəş karde: Amerkə xarıci vəzir məvoji Amerkədə dəvardə 2 sori mıddətədə təbie hadisəon cərəyonədə çoknə mudiriyət kardeku məlomatış ni; bə çəy xoto jıqo bənə be səvodon İroni 24 qılə ostanonədə dəvardə 2 haftə mıddətədə bıə ovəyzi barədə 2 dim və mıdoxiləkə sohbəton bəyon kardedə.