İron məntəğədə Amerkə silahinə ğıvvəş terroristiyə qrupış zınə.

İron İslam Respublika milli əmniyəti aliyə şura,Asiya ğərb məntəğədə Amerkə silahinə ğıvvon iyən bəvon həmmə vabəstə ğıvvonış terroristiyə qrup zınəşe.

İroni milli əmniyəti aliyə şura zinə qıləy bəyonotədə islami inğilabi sepah pasdarani terroristiyə təşkilaton siyahiədə ğəror doe xoto Amerkə ğeyre ğanoni və xətoə hərəkəti məhkum kardeədə elanış karde İron,Amerkə terroristonku himoyə əkə devlət və Asiya ğərb məntəğədə Amerkə silahinə ğıvvon və bəvon həmmə vabəstə bə ğıvvon terroristiyə qrup zındəy.

ım bəyonotədə əlavə bə islamiyə inğilabi sepahe pasdaran.Amerkə və məntəğədə çəvon şərikonku bə kəno ki həmmişə Asiya ğərb məntəğədə radikal və terroristiyə qruponku himoyə kardən həmmişə məntəğədə terarizm və radikalə hərəkəton vədə mubarizə barde 1 minnə xətədə bə və ım inğilabiyə ğıvvə rol əlğaidə,İŞİD, Əlnusrə,və məntəğədə coqlə terroristiyə qrupon vədə  ziyan vində cəmaət iyən devləton tərəfo həmmişə bə tərif loyiğ omə.

İroni milli əmniyəti aliyə şura ım bəyonotədə işarəş kardə Amerkə ım problem icod əkə hərəkəti nəticon məsule və əlavəş ka Amerkə  hərəkət islamiyə inğilabi sepahe pasdaranı terroristiyə təşkilaton siyahiədə ğəror doeədə məntəğə və beynəlxalğə səviyədə sulh və əmniyəti ciddiyə xətoy və beynəlxalğə ğanonon iyən İ bə milləton təşkilati ğanonon oşkoə holətədə bə lınqi ji noey.