De İmom Həsən Muctəba(ə) viladəti mınosibəti təbrik

Imruj 3 şanbə hicir şəmsi 1398 nə sori ordibeheştə manqi 31 bərobər de hicri ğəməri 1440 nə sori rəməzanə manqi 15 və miladi 2019 minnə sori mayə manqi 21.dınyo şiəyon 2 minnə İmom Həzrət İmom Həsən Moctəba(ə) mubarəkə miladi sorəqardışe.

İmom Həsən Moctəba(ə) ki hicri ğəməri 3 minnə sori mubarəkə rujə manqi nimədə Mədinə şəhrədə bə dınyo omə dınyo şiəyon 1 minnə İmom Əmire momenan Əli İbne Əbitaleb(ə) və Xıdo rəsul(ə) əzizə kinə Həzrət Fatimə Zəhra(s) 1 minnə avlod be ki Xıdavəndə xalıği bə ə 2 qılə yolə şəxsiyəti ğısmətış karde.

Həzrət Əli (ə) və Həzrət Fatimə(s) ıştə 1 minnə avlodi bə dınyo omə ruji ,hırdənışon Xıdo rəsul(s) tono bardışone ta çəyru nom bıvıjno və Xıdo rəsul(s) həm de Xıdavəndə xalıği əmri əsosi çəy nomış Həsən yəni çok və vıjniyə bə bandə nomış no.

İmom Həsən(ə) ım fəxrış hest bı ki 7 sor ıştə jimoniku ıştə əzəmətinə cəd Xıdo rəsul(s) pur məhəbətə sayədə dəvono və həzrət ım ğeymətinə fırsətdə islami əzizə peyğəmbər(s) novraniyə vicodiku bəhrəş barde.

 və çəy bəpeştə 30 sor ıştə əzizə dədə Həzrət Əli(ə) hoşin və sədoğətinə şaqird bı.

İron İslam Respublika telerədyo  tərəfo Həzrət İmom Həsən  Moctəba(ə) viladəti bə Əhlebeyt(ə) həmmə piyəkəson təbrik votdəmon.