İrağ; çı Amerkə iyən israili ğumari tojə miz

Miyonə şərğədə bıə Trampi xususi nımoyəndə Tom Barak bə Bəğdad iyən Ərbil səfərış kardə ki eksperton əy bənə adi səfə zıneydənin.

Vey kəson nəzə ıme ki ın səfə bə İraği muğaviməti fişar vardey kompaniya tojə mərhələy,

Eyniholədə İrağədə de fəsodi mubarizə bardey iddio hərəkəton bənə ğeyri normalə cərəyoni bə qıləy muhimmə xəbə əvəz bıə ki çandə siyosi şəxsiyəton dastqir kardey və çəvon mol-sərvəton mısodirəku qəp şedə.

Bə Amerkə iyən israil vabəstə mediyaon rə həminə macəro bə İron nisbət doəşone, kaliyon voteydən ki ın senari hədəf İrağədə muğaviməti cərəyoni zəif kardeye,

Koşınason nəzə ıme ki Livani bəpeşt Amerkə ısət İrağədə muğavimət qrupon zəif kardey fikədəy,Boçimi xoto be Barak ki həmzəman Tırkiyə, Livan iyən Suriyədə koon məsələn sə kardedə, ısət omə və İrağədə mıəyən planon bənav bardə,

Jığo votey bıdə ki Livan iyən suriyəku bəpeşt ısət əvon İraği çı Asiya ğərbədə bıə muğavimət cərəyoniku co kardey fikədən.Əmmo, Hormuz tənqə bəpeşt, ayo Tramp və Netanyahu ıştə şansi İrağədə bıə tojə ğumari mizi səpe imtivon kardən?