Pakistonədə İroni xarıci vəzir vindemonon.

İroni xarıci vəzir de Pakistoni xarıci vəzir və ərtış ğıvvon fərmondə vindemon və muzakirəş karde.

Bə İrna raporti əsos Muhəmməd Cəvad Zərif de Pakistoni ərtış fərmondə Ğəmər Cavid Bacoa vindemoni cəryonədə bə dustanə əloğəon inkişof xusosi sərhəd əmniyyət iyən de terrurizm mubarizə barde barədə sohbətış karde. 

Zərif ijən de Pakistoni xarıci vəzir Şah Məhmod Ğorəyşi vindemonədə bə 2 qılə kişvəri miyono həmkarion çok və mısbət bey işorəş karde iyən məntəğə və siyasi mıvzoon barədə bə muzakirəon dəvom təkidış karde. 

İroni xarıci vəzir ıştə bə Pakistoni səfər karde bərnoməon dəvomədə de ım kişvəri i minə vəzir və sənat parlemanti rəis həm vindemon bəkay. 

Zərif zinə bə Pakiston varid bey vaxti elanış karde ki məntəğə vəzyəti barədə bəpe de həmsoyə kişvəron həmkari və muzakirə bıbu. 

Əv bə Amerkə anti İron və anti Çin tojə dıvrə sanksiyaon işorəş karde və votışe: dınyo bəpe im curnə siyasəton vədə be mando və hamsoyə kişvəron həm bəpe Amerkə vədə ıştə məntəğə oqəton.