Muğavimət fələstini nicat pəydo karde yeqanə ro
İroni məclisədə milliyə əmniyyət və xariciyə siyasəton kamisiya rəisi votışe:fələstinı mıstəğillə təşkilati muzakiron de sionist rejim nəticəş ni vəmuğavimət fələstinı nicat pəydo karde yeqanə ro bə hisob omedə.
Bə İRNA xəbon əsosi Əlaəddin Burucerdi Maskva şəhrədə bə fələstinı mıstəğillə təşkilati rəis Məhmud Əbbası vindımon karde ehtilam de sionist rejimi 1 minnə vəzir Benyamin Netaniyaho işarəş karde və əlavədə votışe: fələstinı mıstəğillə təşkilat çə vaxtnəku ki de sionist reji saziş iyəm muzakirə karde roədə ğərorış qətə həmmişə zərərış kardə.
ironi məclisədə xariciyə siyasəton kamisiya rəisi votışe: fələstinı həmmə inğilabiyon bə ım nəticə rəsən ki sioniston izofə tələbon vədə nicat pəydo karde yeqanə ro muğaviməte və ım muğavimət bəpe ta bə zəman ki fələstinı həmmə sərməzimon ozod bə nin dəvom pəydo bıkə.
Burucerdi votışe: fələstinıjon koon mudiriyyət karde bəpe bə çəvon ıştən dast bıbo.
Rusiyə elanış kardə fələstinı mıstəğillə təşkilati rəis Məhmud Əbbas Maskva şəhrədə de sionist rejimi 1 minnə vəzir Benyamin Netaniyaho vindımon kardeyu rozi mandə.
