Amerkə mıdoxiləkə hərbiyə huzur məntəğə bıhranon rişəy.

İroni prezident çı Tehroni siyasətonış məntəğə və dınyoədə canqiku bə kəno mande iyən sulh və stabiləti çərçivədə elanış karde.

Həsən Ruhani zinə Tehronədə dınyo məcleson miyono əloğəon i bemoni rəis Qabrila Kotevas Baroni vindemonədə çı dınyo vey əsliyə bıhrani Uni Latiralizm zınəş be və votışe: çı dınyo meşkolaton vey əsliyə bıhran kali kişvəron əcumlə Amerkə diktatoriyə siyasətonin ki daemən beynəl xalğ ğanuni ləğv kardedə.

İroni prezident bə ətomiyə sazışiku Amerkə xaric və ijən anti İron sanksiyaon təsdiğ bey işorəş ka və votışe: ımruj anti İron canqədə Amerkə iğtisodi sanksiyaonış pidə və hətto bə İron dəvo-damoni varid bey vəy qətedə.

Ruhani Amerkə mıdoxiləkə huzuri, məntəğədə meşkolaton amil zınəş be və votışe: Amerkə bepilotə təyyarə bə İroni sərzəmin təcavuz karde bə Fars dıyo və Umman dıyo əmniyyəti əleyh be çən həmmə beynəl xalğ təşkilaton bəpe bə Amerkə ım təcavuzkaranə hərəkət ciddi reaksiya nışo bedən.

İroni prezident bə dəvardə 17 sori mıddətədə Əfğanıston, İrağ, Suriyə və Yəmənədə Amerkə mudaxiləon işorəş karde və votışe: dınyo xuxosi Fars dıyo əmniyyət bəpe de məntəğə kişvəron koməki təmin bıbu.

dınyo məcleson miyono əloğəon i bemoni rəis həm ım iclosədə bə bıhranon həl karde iyən Multi Latralizm mədəniyəti rəvoc doe sahədə İroni rol işorəş karde və votışe: ətomiyə saziş nışoş do ki məntəğə və dınyoədə sulhi bərpo karde dınyo bəpe İroni təcrobəonku istifodə bıkə və bə beynəl xalğ votımon-sazışon ehtırom bınə.