Zərif: Sərdəşti kimyaviyə bombardımon muasir tarixədə qıləy siyuə ləkəy.

İroni xarıci vəzir qıləy mesaji vositə İroni şimal ğərb, Sərdəştədə Sədam rejimi kimyaviyə bombardımoni vədə beynəl xalğ təşkilaton sukuti ım cinoyəti himoyə əkəyon çəkuti səpe sivə bəkə zınəş be və votışe: İroni 8 sornə canqi cərəyonədə ım xəbisə sukut hiç faxt tarixiku pok ni bəbe.

Bə İrna raporti əsos Muhəmməd Cəvad Zərif bə ım cinoyəti şəhidon ehtırom karde mərasim ıştə vığande mesajədə bə İroni nəzərku cəmi ya həmonə kalektiv silahon istifodə hərom bey işorəş karde və bə ım silahon məhv karde zəruriyat təkidış ka.

Muhəmməd Cəvad Zərif votışe: təəsuf ki Amerkə iğtisadi terrorizm və anti İron sanksiyaon İronədə kimyavi zəxmin bıə kəson dəvo-damoni kam bey bois bıə və hol ım ki Amerkə jıqo hərəkəton tam beynəl xalğ huğuğ iyən insonə həxon prinsipon ləğv kardedə.

İraği Bəes rejim 1987-nə sori Iyoni 28 de kimyaviyə silahon İroni Sərdəşt şəhri bombardımonış karde; ım həmlədə 119 nəfər ğeyri hərbi şəhid iyən 8 həzo nəfər de kimyavi silahon təsiri zəxmin iyən zəhrin bıən.