De Həzrəte Fatimə Məsumə(s) viladəti sorəqardışi mınosibəti təbrik.

Dınyo şiəyon 8-ə imom Həzrət İmom Rıza(ə) əzizə hovə Həzrət Xanım Fatimə Məsumə(s) viladətə şəv iyən ruji sorəqardışədə islamiyə İron de şoə mərasimon pur bıə.

Imruj hicri ğəməri 1440-ə sori Zilğədə manqi 1 bərobər de İyoli 7 dınyo şiəyon 7 nə imom həzrət Musəbne Cəfər(ə) əzizə kinə Həzrəte Fatimə Məsumə(s) viladəti sorəqardışe.

Həzrəte Fatimə Məsumə(s) ki Hicri Ğəməri 173-ə sori Ziğədə 1 minnə ruji Mədinə şəhrədə bə dınyo omə fəziləton simvol be.

İroni təğvimədə Xanım Fatimə Məsumə(s) moəku bıə ruji mınosibəti xoto kinəon ruj ğeyd bıə iyən bə əvon vey ehtıron noə bəbe.

Zinə Kərimeye Əhlebeyte İsmət və Təharət(ə) Həzrət Fatimə Məsumə(s) miladə şəvi xoto Ğomədə Həzrəti pokə hərəmədə çandə mərasimon bərpo bey kənoədə şəhri vilayətmədarə şəhrvandon həm ıştə binaon, tokınon, iyən məçiton və təkiyəon dərostəşone, şinişon baxş kardedən və şoə mərasimonışon bərpo karde.

Həzrət Fatimə Məsumə(s) viladəti sorəqardışə mərasim Cəmkəranı mığədəsə məçit və Ğom ostani coqlə məçiton, Huseyniyəon və məzhəbiyə vıronədə de Əhlebeyte İsmət və Təharət(ə) aşığon və iradətməndon əzəmətinə huzuri dəvom kardedə.

Imrujnə rujiku detosə İyoli 14 yəni şiəyon 8-ə İmom Həzrəte Rıza(ə)-i milad ruji sorəqardış bənə hasor kəromət 10 rujə əyyomi məxsusə şoə mərasimon bərpo bıə.

İron İslam Respublika Tele Rədio de Həzrət Fatimə Məsumə(s) viladəti sorəqardışi mınosibəti bə Əhlebeyte İsmət və Təharət(ə) aşiğon təbrik votedəmon.