Ruhani,Məkronı telefoniyə əlağədə votışe:Avropa itifağ bəştə məsuliyət əməl bıkə.

İron İslam Respublika prezdent zinə şanqo de Fransə prezdent Emanoel Məkron telefoniyə əlağəş bərğəror karde və avropavıjonku tələbış karde beynəlxalğə ğərolon iyən İ bə milləton təşkilati ğətnaməon vədə bəştə məsuliyəton əməl bıkən.

Bə prezdenti məlumat ərosnə mərkəzi elanon əsosi Həsən Ruhani ım telefoniyə votımonədə atom sazışi hifz kardeyu bə Fransə prezdenti sıxanon işarəş karde və votışe:İron dəvardə 14 manqi mıddətdə Amerkə həmmə təziğon və sank siyaon kənoədə cəhdış kardə qıləy stratejikə səbrədə ım  sazışi hifz bıkə.

İron İslam Respublika prezdent Amerkə bə İroni milləti zid sank siyaon və təciğonış qıləy terroristiyə hərəkət və ixtisadiyə canqış zınə və votışe: ım ixtisadiyə canqi dəvom bəzne məntəğə və dınyoədə bə coqlə təhdidon bois be.

Prezdent Ruhani atom sazışi həxədə İroni tojə hərəkətış kamilən sazışi hifzkarde cəhətdə zınəşe və Avropa itifağiku tələbış karde ta beynəlxalğə ğanonon iyən İ bə milləton təşkilati ğətnaməon vədə bəştə məsuliyəton əməl bıkə və bəzi əməlon icra kardeədə nakonəsə ve atom sazışi hifz kardeyu cəhd bıkə.