Zərif: Amerkə bəpe anti İron iğtisodi terrorizmi mane bıbu.

İroni xarıci vəzir bə jurnaliston votışe: ətomiyə sazışi barədə İroni nəzə oşkore iyən təziğon jentonədə muzakirəkə nimon.

Muhəmməd Cəvad Zərif əlovəş karde İron de məktobi vasitə vey kərə elanış kardə be ki Amerkə və Avropa ğeyri ğanuni siyasəton xoto İron həm rəsmən bə ım sazışi 36-nə madə əsos ıştə ehdemonış kam karde.

Əv votışe: Avropa məvuji ıştə əmniyyəti barədə siyasi ğərolon bə kəno əməli koon əncom doe əzı ni.

İroni xarıci vəzir İroni ətomiyə mıvzo barədə ətom enerji beynəl xalğ təşkilatədə de Amerkə fişar ome iclosi dəvoniyə barədə votışe: Amerkə qıləy əcibə hərəkətədə və hol ım ki ıştən ətomiyə muğavilədə uzv ni çoknə jıqo tələbi elanış karde.

Əv təkidış karde ki ətom enerji beynəl xalğ təşkilat fəğət bəpe ətomiyə sazışi barədə raport bıdə.

Muhəmməd Cəvad Zərif Cəbəluttareğ tanqədə İroni nat kernə tankeri mısodirə karde İnqiltərə tərəfo ətomiyə muğavilə ləğvəkə nımonə zınəş be.