Zərif: İron de terroriston muzakirə əkə ni.

İroni xarıci vəzir Amerkə dıvləti anti İron siyasətonış terroristiyə hərəkət hisobış karde və votışe: İron de terroriston muzakirə əkə ni.

Muhəmməd Cəvad Zərif zinə Niyoyorkədə jurnaliston cəmədə təkidış karde: Amerkə bə İroni zid iğtisodi canqi dəvom dodə.

İroni xarıci vəzir votışe: həmonə iğtisodi canqiku Trampi fəxrinə sohbəton hədəf fəğət İroni şəhrvandoninə.

Zərif bə ım noktə işorəş karde ki Amerkə iğtisodi canq İroni rəsmi şəxson və hərbionış hədəf qətış ni bəlkəm bə normal şəhrvandon zid dəvom kardedə və votışe: ım siyasət terroristiyə hərəkəte boçi ki terrorizm de milyon hədəf qəte ıştə siyasəton bənav bardedə.

İroni xarıci vəzir təsdiğış karde: huğuği cəhəto terrorizmi tərcomə ome ki de yolə şəxəti və ğoldorə hərəkəton cəhd kardedə ta qıləy kişvəri siyasəton əvəz beko ya cəmaəton iyən milləton bə siyasəton əvəz karde icbor kardedə.

Amerkə prezident Donald Tramp de makzimum fişar və təhdid pidəşe İroni bə muzakirə karde icbor bıkə əmmo İron həm de makzimum muğaviməti Amerkə ım siyasəti məğlobış karde.